මේක මට අපේ මාමා කෙනෙක් කිව්වෙ. ජීව විද්‍යාව උසස් පෙළට කරන ශිෂ්‍යයින්ට අනිවාර්යයෙන්ම කළ යුතු දෙයක් තමා ප්‍රායෝගික පරීක්ෂණ. විෂයයන් සියල්ලටම මේ දේ අනිවර්යනෙ.
ඉතිං ඔන්න එක දවසක් ලැබ් එකට කට්ටිය ගිහිල්ලා දැන් පරීක්ෂණ වලට සූදානම. ඔන්න අන්වීක්ෂ ලැබුණා සේරටම. ඊට පස්සේ නියැදි, ඒ කියන්නේ අපි ඔය කියන්නෙ “ස්ලයිඩ්“ කියලා, ටීච ඔන්න ඒවත් සුදුසු පරිදි දීගෙන ගියා.
දැන් කට්ටියට හදිසියි මේකෙ තියෙන්නෙ මොනවද කියලා බලන්න. දැම්මා අන්වීක්ෂයට. බැලුවා. ම්හු.... තේරෙන්නෙ නැහැ. හදිසිය තව වැඩියි අනික් කට්ටියට කලින් සොයා ගන්න. අන්වීක්ෂයෙන් බලලා තේරෙන්නේ නැති නිසා ස්ලයිඩ් එක අරන් බැලුවා. හරිනෙ. මේ තියෙන්නෙ නම ඉංග්‍රීසියෙන්ම ගහලා.
දැන් හරි සතුටුයි. ටීච අවා. ආපු ගමන් කොල්ලො කෙල්ලො ටික කියපි “හරි ටීච අපි දන්නවා. මේකෙ නම.
“පැනඩියුරා විශේෂය“.
ටීච උඩ බිම බැලුවා.
“ඒ වගේ විශේෂයක් දීලා නැහැනෙ“
“නැහැ ටීච මේක ඒක තමා“
“මේ බලන්නකො ටීච මේ මෙතන ගහලා තියෙන්නෙ.“ කියලා ස්ලයිඩ් එකේ ඉංග්‍රීසියෙන් මුද්‍රණය කරපු එක පෙන්නුවා.
ටීචටත් වැඩේ තේරුණේ එතකොටයි.
ඒ තිබිලා තියෙන්නෙ මේ ස්ලයිඩ් එක හදපු සමාගමේ ලිපිනයේ අන්තිම පේලිය.
ඒකෙ ලියලා තිබිලා තියෙන්නෙ PANADURA කියලා.
අර විද්‍යාත්මක නම් කියවන්නෙ ටිකක් අමුතු විධියටනෙ. මේ කට්ටියගේ වෙලාවට අර නමත් ඒ විධියට කියවන්න පුළුවන්.
No comments:
Post a Comment